Қазақстан Президентіне Астана қаласын одан әрі дамытудың және тұрғын үй алаптарында құрылыс жүргізудің жоспары таныстырылды.   

Мемлекет басшысы Елорда тұрғын­да­рының тұрмысы үшін қолайлы жағдай жасаудың әлеуметтік маңызы жоғары екеніне тоқталып, қала құрылысында кешенді әдіс қолданудың қажеттігін атап өтті.

Нұрсұлтан Назарбаев қала халқын қол­жетімді әлеуметтік нысандармен, соның ішінде білім беру және денсаулық сақтау ме­кемелерімен қамтамасыз етудің маңызды­лығын айтты. Сонымен қатар, Елбасы шаһарды көгал­дандыру, қалада көлік қатынасын оңтайлан­дыруға мүмкіндік беретін автотұрақтар мен жолайрықтар салу мәселелеріне назар аударды.

Астана әкімі Б.Сұлтанов Мемлекет басшысына Елордада әлеуметтік, коммерциялық, әкімшілік және тұрғын үй нысандарын салудың жоспарлары туралы мәлімдеп, қала инфрақұрылымын дамытудың перспективалары жөнінде баяндады. Қала басшылығының ақпаратына сәйкес, жыл басынан бері Елордада 1,7 миллион шаршы метр тұрғын үй пайдалануға берілген және жыл соңына дейін тағы да 2,3 миллион шаршы метр тұрғын үй салу жоспарланып отыр.