Қай кезде де ауызбірлігі жарасым тапқан Сырдария ауданының халқы мен үшін өте қымбат. Халықтың кішіпейіл де жомарттығы, кең пейілділігі алыс¬тан менмұндалап тұрады. Дүбірлі, мерейлі тойдың қадірлі қонағы болдық. Ауданның өсіп-өркендегенін көзімізбен көрдік. Бұрынғы ауданның басшысы ретінде айтар алғысым мол. Көркейіп, гүлденген ауданның жұмысына ризамын. Мұны сырттан келген көптеген тұлғалар да айтып, қуанышқа кенелгендерін жасырмады. Той өте жоғары деңгейде өтті. Келер ұрпақ үшін жасалған «Парасат» алаңы жаңарып, жасанды. Ғылыми-практикалық конференция, «Сырдария – 2» кітабының тұсаукесері, аламан бәйге, айтыс бәрі-бәрі тамаша ұйымдастырылды. Әрине, мұның бас-қасында жүрген азаматтардың еңбегін айтып өткен жөн. Айта-айта жүретіндей мереке өтті. Көңіліміз марқайып, жанымыз жадырады. Барша сырдариялықтарды 90 жылдық мерейтоймен құттықтаймын. Жастарымыз аман, аға ұрпағымыз сау болсын.