Вконтакте әлеуметтік желісі тұңғыш рет VK Music Awards музыкалық сыйлығының жеңімпаздарын жариялады, деп хабарлайды Baq.kz ақпарат агенттігі ria.ru-ға сілтеме жасап.
Вконтакте желісінде биыл ең көп тыңдалған тректер белгілі болды.
Рейтингтің басында Элджей мен Feduk-тің орындауындағы «Розовое вино» әні тұр. Көп тыңдалған үздік 30 әннің қатарында «Ламбада» (T-Fest x Скриптонит), «Половина моя» (MiyaGi & Эндшпиль), «Лейла» (Jah Khalib), Imagine Dragons (Believer), «Тает лед» («Грибы»), «Потрачу» (Егор Крид), Despacito (Luis Fonsi), «Туманы» (Макс Барских), «Рукалицо» («Скруджи») және басқа әндер болды.
Жеңімпаздар анықталғаннан кейін олардың парақшаларында «VK Music Awards жеңімпазы» деген арнайы белгі пайда болды.

«Музыка, кино, интернет бірін-бірі толықтыра отырып, медианың жаңа, интерактивті түрін қалыптастыруда. Қазір ойын-сауық индустриясында түбегейлі өзгерістер орын алуда», - дейді VK Music Awards продюсері Тимур Бекмамбетов.