Ағымдағы жылдың 4-9 шілде аралығында Сырдария ауданының 30 ұстазынан тұратын топ, оның ішінде мектеп директорлары, директордың оқу ісі жөніндегі орынбасарлары, пән мұғалімдері Түркістан облысындағы «Таң нұры» шипажайына барып демалып қайтты.
Алатаудың бөктерінде орналасқан керемет тынығу орны ерекше ауа райымен қарсы алып, таудан ескен салқын сабат ұстаздар мерейін өсірді. Шипажайдың орналасқан жері де тіптен ғажап. Сан түрлі ағаштар мен жемістер, жұпар шашқан гүлдер, алыстан мұнартып ақ қар жамылған тау шыңдары қиялымызды шарықтатып, ерекше сезімге бөледі. Тау­дан құлап аққан емдік қасиеті бұлақтың тастай суына жуыну да бір ғанибет. Тауды бөктерлеп сәл көтеріліп, «Пайғамбар ізі» орналасқан тасты көру бақыты да бұйырды. Кеудеңе тасқын күш сыйлайтын таудың биігіне қарай біршамамыз шамамыз жеткенше шығып та, көкірегімізді кере демалып та көрдік. Үйдей-үйдей қойтастар үстіне шығып суреттерге де түстік.
Аудандық білім қызметкерлері кәсіп­одақ ұйымының ұйымдастыруымен ұс­таз­дардың жан-жақты дамуына негіз­делген музыкалық, интеллек­туал­дық, та­нымдық, спорттық іс-шаралармен ерек­­­­шеленді. Түрлі сайыстарда жеңімпаз та­ны­лғанғандарға аудандық білім қыз­мет­керлері кәсіподағы комитеті атынан естелік сыйлықтар берілді. Тынығу барысында ұстаздар шипажайдан ем алды.
Сонымен қатар «Ақсу-Жабағылы» мемлекеттік табиғи қорығының музейіне жасаған саяхат та танымымыздың көк­жиегін кеңітіп, ұлттық фаунамыз бен фло­рамыздың саналуандығы һәм бай­лығы әрбірімізді қуанышты күйге ке­нелтті. Биылғы ұлттық бірыңғай тес­тілеуде жоғары балл алған білім ордалары ұстаздарының демалысын жоғары дәрежеде ұйымдастырған облыстық білім қызметкерлері кәсіп­одағының тө­райымы, облыстық мәслихат депутаты, ұстаздардың жанашыры Р.Бай­­­назарова мен қаржылай демеушілік жа­саған жеке кәсіпкер, облыстық мәс­лихат депутаты Р.Есеновке аудандық білім бөлімінің басшысы Б.Суюбаеваға ұстаздар алғысы шексіз.