Қазақстанда 34 градусқа дейін күн ысиды
Алдағы күндері Қазақстан аумағының басым бөлігінде ауа райы тұрақсыз болады. Синоптиктердің болжамына сәйкес, еліміздің көп өңірінде жаңбыр жауып, найзағай ойнайды. Оңтүстік-шығыстың таулы аймақтарында түнгі уақытта жаңбыр мен қар аралас жауын-шашын түсуі ықтимал, деп хабарлайды Egemen.kz.Кейбір өңірлерде бұршақ жаууы және екпінді жел соғуы мүмкін. Сондай-ақ түнгі және таңғы уақыттарда тұман түседі деп болжанып отыр. Солтүстік және орталық облыстарда, сондай-ақ оңтүстік өңірлерде 28-29 сәуір күндері, ал шығыста 29-30 сәуір аралығында негізінен жауын-шашынсыз ашық ауа райы сақталады.
Республиканың оңтүстік-батысы мен оңтүстігінде шаңды дауыл болуы ықтимал.
Сонымен қатар, 28-29 сәуір түнгі уақытта батыс, солтүстік-батыс, солтүстік, шығыс және орталық аймақтарда ауа температурасы -3°C-қа дейін төмендеп, үсік жүруі мүмкін.
Күндізгі уақытта ел аумағында ауа температурасы біртіндеп көтеріледі: батыста +15…+20°C, солтүстік-батыста +17…+25°C, солтүстікте +21…+26°C, орталықта +21…+30°C, шығыста +19…+27°C, оңтүстікте +25…+34°C, ал оңтүстік-шығыста +22…+27°C шамасында болады.
