Осы бағытта Қызылорда-Жалағаш авто­жолында орналасқан екі бірдей кө­пірге күрделі жөндеу жұмыстары жүр­гізілуде. Атап айтқанда, автожолдың Тереңөзек кенті тұсындағы «Әйтек» ка­налының бір тармағында орналасқан көпірге жөндеу жұмыстары қолға алын­ған.

Жобаның тапсырыс берушісі – облыс­тық жолаушылар көлігі және автомобиль жолдары басқармасы. Жобаның бас мердігері – «Сервис НС» ЖШС болса, монтаждау жұмыстарын «Универсал сер­вис» ЖШС атқаруда. Қазіргі таңда 20-ға жуық маман көпірдің күрделі жөндеу жұмыстарына жұмылдырылған. Бүгінде канал табанына бетон құю жұмыстары жүр­гізілуде. Ел игілігі үшін салынып жатқан нысанның сапалы болуы үшін сала мамандары бар күш-жігерін салуда.

– Көпірлердің жаңартылуы тек жол сапасын жақсартып қана қоймай, өңір тұр­ғындары үшін бірқатар оң өзгерістер әкеледі. Ең алдымен, көлік қозғалысының қауіпсіздігі артады. Екіншіден, жүк тасы­малының тиімділігі жақсарып, уақыт үнемделеді. Үшіншіден, бұл жобалар жергілікті халықты жұмыспен қамтуға да ықпал етуде. Бүгінде Сырдария ауданында жолдың 47,9 шақырымында орналасқан көпірге күрделі жөндеу жұ­мыстары жүргізілуде. Жоба аясында көпірдің тозған конструкциялары жаңартылып, тірек бөліктері күшейтіліп, заманауи құрылыс материалдары қол­данылуда. Жол жабыны толық ауыс­тырылып, қауіпсіздік элементтері орнатылады. Жобаны аяқтау мерзімі – 2026 жылдың қазан айы. Қазіргі таңда құ­рылыс жұмыстарын мерзімінде аяқтау үшін барлық мүмкіндік қарастырылған. Жалпы Қызылорда–Жалағаш автомобиль жолындағы көпірлерге жүргізіліп жат­қан күрделі жөндеу жұмыстары – өңір инфрақұрылымын жаңғыртудағы маңызды қадамдардың бірі. Мұндай жоба­лар аймақтың көлік байланысын нығайтып, тұрғындардың өмір сапасын арттыруға мүмкіндік береді, – деді «Уни­­версал сервис» ЖШС директоры Нұрсұлтан Тәттібаев.

Алдағы уақытта жаңа көпірдің жергілікті халық үшін көлік байланысын нығайта түсетініне сенім мол.