Бас дәрігер науқастардың жағдайын білді

Сырдария аудандық ауруханасының бас дәрігері Жанар Жұмабаева бөлімшелерді аралап, ем қабылдап жатқан науқастардың жағдайын білді. Аудандық ауруханаға қарасты барлық бөлімшеде жергілікті тұрғындарға диагноздары бойынша ем-шара жүргізілуде.

Өз кезегінде бас дәрігерге емдеу ісі жөніндегі орынбасары Қанат Медетбаевпен бірге әрбір бөлімше меңгерушісі науқастардың жағдайына тоқталып, ем-шара барысын баяндады.

– Әрбір тұрғынға медицина мамандары тарапынан сапалы қызмет көрселтілуі тиіс. Күнделікті ауыр хәлдегі науқастардың жағдайы сараланып отырған жөн. Орта және кіші буын мамандары өз ісіне жауапкершілік танытқаны абзал, – деді бас дәрігер Жанар Әшімқызы.

Бұл ретте, бас дәрігермен пікір алмасу барысында емделушілер сала мамандарының жұмысына оң баға беріп, алдағы қызметіне сәттілік тіледі.