Еңбекке қабілетті мамандарды тарту маңызды

Биылғы Жолдауды аграрлық сала­ның маманы ретінде мен де қараған жанның бірімін. Шын мәнінде, қазіргі уақытта ауыл шаруашылығы қыз­ме­тіндегі кейбір мәселені шешу – ал­дағы уақыттың еншісінде. Жер – ұлт байлығы, сондықтан оны әділ және тиімді пайдалану қажеттігіне ба­сым­дық берілгені қуантады. Су тап­шы­лығы мәселесі де ерекше аталды. Су үнемдеу технологиясын енгізу – басты бағыт. Әсіресе, шаруалар та­рапынан көтерілетін түйткілді дүние – жыл сайын бәрімізді алаңдататыны жасырын емес.

Ел Президентінің Жолдауында ауыл шаруашылығына ерекше на­зар аударылып, өнімділік, өңдеу, экспорт, ауыл инфрақұрылымы және ресурстарды үнемдеу сияқты ба­ғыт­тар басымдыққа ие болды. Бұл саланы жаңа деңгейге көтеру – елдің эко­номикалық тұрақтылығы мен азық-түлік қауіпсіздігінің кепілі ре­тінде қарастырылып отыр. Әрине, аг­­рар­лық сала сан бағытқа бөлінген. Құрылымдық жағынан өзектілігін жой­­­майтын ауқымды бірқатар жоба жү­зеге асырылса, ауылдағы ағайын­ның жағдайы жақсара түседі.

Әлем бір орнында тұрмасы анық. Күн сайын заман ағымына сай сан салада өзгеріс бар. Оның ішінде ауыл шаруашылығы қызметі қалыс қалмайды. Үнемі жаңашылдық пен тың бастамаға дайын болғанымыз дұрыс. Бүгінде техника тілі цифрландыруға икемделіп, жұмыс күшінің азаюына септігін тигізуде. Бір ғана мысал жерді тегістеу барысында заманауи тех­нологияға иек артамыз. Агро­өнер­кәсіп кешенінде еңбек өнім­ділігін екі есе арттыру міндеті қойылды. Бұл – дұрыс шешім. Еңбекке қабілетті маман­дарды тарту – сала жұмысын жан­­дандырады.

Марат БИСЕНОВ,

аудандық мәслихат депутаты,

«Ақжарма-2» ШҚ төрағасы