Ардақты ардагерлер
Әрине, алдыңда қарияң болмаса алысқа бармайтының анық. Қарияға құрмет қылсаң ғана қадіріңнің артатыны белгілі. Сондықтан да баспасөз саласында қаншама жыл қызмет істеп, қарт тілші атанған ардагерлер біздің ақылшыларымыз. Құрметті жандармен жиі жолығып, естелік әңгімелерін тыңдаймыз. Ол кісілермен сөйлесіп, тарихты қаузағанда уақыттың қалай тез өткенін білмей қаламыз. Өйткені, олар кешегі болғанды бүгін сол қалпында жеткізіп береді. Әркез батасын беріп, қолдаушы болып отырады. Мерекеге орай, ардагерлеріміз ауданның бас ақыны, «Сырдария ауданының Құрметті азаматы» Мұхтар Сақтаповқа, талай жыл баспахана директоры болған Сергей Тоқсанбаевқа, Қазақстан Журналистер Одағының мүшесі Мүсілім Қалмұратұлына жолықтық. Кәнігі тілшілер, ұстаз бен шәкірт мерекелік лебіздерін жеткізіп, бұрыннан қалған қызықты әңгімелер айтты, өлең оқыды. Өз кезегінде
С.Тоқсанбаев бұрынғы баспаханадағы табанды еңбекті тілге тиек етті.
