Аудан әкімі жеке қабылдау өткізді

Аудан әкімі Берік Сәрменбаев кестеге сәйкес жеке және заңды тұлғалар өкілдеріне арнап қабылдау өткізіп, тұрғындардың мәселелері мен өтініштерін тыңдады.

Қабылдауға «AMANAT» партиясы Сырдария аудандық филиалының Атқарушы хатшысы, аудандық мәслихаттағы депутаттық фракция жетекшісі Ақтөре Ибрагимұлы қатысты.

Қабылдауға келушілер аудан басшысына жұмысқа орналасу, әлеуметтік көмек, коммуналдық сала мәселелері бойынша жүгінді. Әр мәселені мұқият тыңдаған аудан басшысы тұрғындардың өтініші негізінде тиісті бөлім, мекеме басшыларына, кент және ауылдық округі әкімдеріне нақты тапсырма берді.