Алимент төлеуден жалтарғаны үшін сот залында әкімшілік қамаққа алынды

Іс бойынша А. кәмелетке толмаған балаларын асырап бағу үшін өндіріп алушы А.-ның пайдасына алимент өндіру туралы сот бұйрығын орындаудан жалтарып, 1 082 413 теңге көлемінде алимент бойынша берешегі жинақталған.
Сот отырысында А. сот бұйрығы шығарылғанын білетінін, жұмысы болмауына байланысты алимент бойынша міндеттемелерін орындай алмағанын көрсетті.
Азамат А. 01.10.2024 жылдан бері жұмыс істеп, табыс тауып, табысынан алимент төлеуге нақты әрекеттер жасамаған, жұмыссыз ретінде тіркелмеген, оның жұмыссыз болуы алимент төлеу міндетінен босатпайды.
Сот қаулысымен А. Қазақстан Республикасының Әкімшілік құқық бұзушылық туралы Кодексінің 669-бабының 1-бөлігімен кінәлі деп танылып, 1 тәулікке әкімшілік қамаққа алынды.
Сырдария аудандық соты
Фото: Н.Нұржаубай