Осы күні аудандарда «Киберволонтер» қадағалау-профи­лактикалық іс-шарасын жүргізу мақсатында арнайы топ құрылды. Сырдария ауданы бойынша жасақталған топ мүшелерімен Сырдария ауданының прокуроры Абай Әлімбаев кездесу өткізіп, алдағы уақытта атқарылатын жұмыстың басым-бағыты жөнінде түсіндірді.

– Шындығында, алаяқтық пен нашақорлық мәселесіне Мемлекет басшысы баса назар аударып отырғаны мәлім. Осы күні алаяқтың құрығынан шыға алмаған көпшілік арыз-шағым түсіріп жатады. Біз қашанда алаяқтардан сақ болу керектігін жергілікті тұрғындарға толықтай түсіндіріп келеміз. Күнделікті тіршілік ауанымен, жұмыс барысымен ұсақ-түйек дүниелерге мән бере бермейтін жандарды құқықтық сауаттандыру – маңызды рөл ойнайды. Есірткіге тәуелділіктің кесірі орасан екенін жақсы білеміз. Күн сайын қаншама отбасының татулығы бұзылып, есірткі соңына түскен жандар барлық жағдайда қиындыққа тап болып жатады. «Кибервонлотер» қадағалау-профилактикалық іс-шарасын жүзеге асыру мақсатында арнайы топ құрып отырмыз. Бұл топқа жүктелетін міндет ерекше. Сондықтан біз әрбір іс-шараның сапалы әрі ұтымды ұйымдастырылуына аса мән береміз, – деді аудан прокуроры.

Негізінен, аудан көлемінде құрылған «Киберволонтер» қа­дағалау-профилактикалық іс-шарасын өткізетін топ құрамында аудандық прокуратураның про­куроры Әсел Төлегенова, аудан әкімі аппаратының мемлекеттік-құқық­тық жұмыстар бөлімінің бас­шысы Ернар Зұлқарнаев, ау­дандық полиция бөлімінің жедел уәкілі Дулат Алиев, ау­дандық по­лиция бөліміне қа­расты ЖПҚб-ның бастығы, по­лиция ма­­­­йоры Аза­мат Спатаев,

по­­­­ли­­ция аға-лейтенанты Олжас До­спаев, аудандық қо­ғам­дық да­­му бөлімінің басшысы Бейбіт Смайлов, «Қазақстан Ха­лық банкі» АҚ Қызылорда фил­иалының Сыр­­дария басқармасы бастығы Асылбек Палымбетов, ау­дандық бі­лім бөлімінің басшысы Еркебұлан Жақып, жастар ресурстық ор­талығының директоры Айгүл Ахметова, орталықтың кеңесшілері Жансая Байтәжиева, Мұхамед Сейіл­ханов, аудандық «Тіршілік тынысы» газетінің бас редак­торы Аружан Мұханбетқали бар.

Аудандық прокуратурасында өткен жиыннан кейін арнайы топ мүшелері «Серікбол» сауда үйі және «Жазира» дүкеніне барып, түсіндірме жұмысын жүргізді. Үнпарақтар таратылып, тұрғындар сауалына жауап берілді.