Салтанатты іс-шарада партия филиалының Атқарушы хатшысы Ақтөре Ибрагимұлы ақ халатты абзал жандарды мерекемен құттықтап, бірқатар қызметкерлерді арнайы алғыс хатпен марапаттады.

– Сіздерді 12 мамыр – Халықаралық мейірбикелер күні мерекесімен шын жүректен құттықтаймын! Мейірбике – денсаулық сақтау саласының негізгі қозғалтқыш күші. Ауданымыздың денсаулық сақтау саласында тапжылмай тер төгіп, еңбегімен елдің ыстық ықыласына бөленген ардақты мейірбикелерімізге алғысымызды білдіреміз! Денсаулықтың жаршысы, адам өмірінің қорғаушысы, науқастың дертіне дауа сыйлаушы ақ халатты абзал жан, еңбегіңізге сәттілік, деніңізге саулық, отбасыңызға бақ-береке тілеймін – деді партия филиалының Атқарушы хатшысы Ақтөре Ибрагимұлы.