Қазақстан мұнайы: тарихы, бүгіні және болашағы

Қазақстан – әлемдегі ең ірі мұнай өндіруші елдердің бірі. Мұнай – ел экономикасының тірегі және сыртқы сауданың негізгі көзі. Кең байтақ даланың астында жатқан көмірсутек қорлары елдің геосаяси маңызын арттырып, халықаралық нарықтағы орнын айқындап отыр.

Қазақстанда мұнай алғаш рет 1899 жылы Маңғыстау өңіріндегі Қарашұңғыл алаңында табылды. Кейін 1911 жылы Доссорда және 1915 жылы Мақатта өндіріс басталды. Кеңес дәуірінде Атырау мен Маңғыстау облыстары негізгі мұнайлы аймақтарға айналды. 1979 жылы Жаңаөзен кен орны іске қосылды. Бірақ Қазақстанның мұнай саласындағы шынайы серпілісі – тәуелсіздік алғаннан кейін басталды.

1990-жылдардың басында Қазақстан әлемдік энергетика нарығына ашықтық танытып, шетелдік инвесторларға жол ашты. 1993 жылы Теңізшевройл компаниясы құрылып, Chevron корпорациясы Теңіз кен орнына инвестиция салды. 2000 жылдары Қашаған тәрізді әлемдегі ең ірі теңіз кен орны игеріле бастады. Бұл жобалар еліміздің мұнай өндірісін күрт арттырды.

Мырқиева Нұрайым
Қорқыт ата атындағы Қызылорда университетінің 4 курс студенті

Фото: Ашық дереккөзден