Аудан көлемінде Конго-Қырым Геморрагиялық қызбасына қарсы залалсыздандыру жұмыстары басталды
Ауданда Конго-Қырым геморрагиялық қызбасының (КҚГҚ) алдын алу мақсатында жоспарлы түрде залалсыздандыру жұмыстары бастау алды. Аудан әкімінің орынбасары Димаш Байдушев жұмыс тобына залалсыздандыру жұмыстарын тиімді, әрі сапалы жүргізуді тапсырды. Сырдария ауданы бойынша ағымдағы жылы Конго Қырым геморрагиялық қызбасына 12 елді-мекен қолайсыз болып белгіленген. Залалсыздандыру жұмыстарын «Сәтті түлік» ЖШС бекітілген кесте бойынша 22 сәуірде басталды. Қазіргі таңда, залалсыздандыру жұмыстарына 7 техникадан құралған арнайы жұмыс тобы жұмылдырылды.
Бұл шара кенелердің белсенділік маусымына байланысты аурудың таралу қаупін төмендету үшін жүргізілуде. Залалсыздандыру жұмыстары барысында мал қораларында, жайылымдық жерлерде, елді мекендердің шет аймақтарында жүргізілуде.
Сырдария аудданы әкімінің баспасөз қызметі
