Жиынға «Сырдария ауданының әйелдері» қоғамдық бірлестігінің төрайымы Алимаш Мырзахметова, аудандық әйелдер кеңесінің төрайымы Жанна Сәркеева, комиссия мүшелері, мемлекеттік органдардың өкілдері, үкіметтік емес ұйымдар, білім беру және денсаулық сақтау мекемелерінің мамандары, сондай-ақ қоғам белсенділері мен ардақты аналар қатысты.

Күн тәртібіндегі екі мәселе қаралды. Бірінші мәселе 2024 жылдың қорытындысы бойынша атқарған жұмыстар және 2025 жылға қойылған міндеттер бойынша «Сырдария ауданының әйелдері» қоғамдық бірлестігінің төрайымы Алимаш Мырзахметова баяндама жасады.

Екінші мәселе «Өзін-өзі жұмыспен қамтыған елді-мекендегі әйелдерді кәсіпкерлікке тарту, шағын несие беруге қолжетімділігін қамтамасыз ету бойынша қызметін жандандыру туралы» аудандық кәсіпкерлік және өнеркәсіп бөлімінің бас маманы Ләззат Қозыбаева баяндады.

Комиссия отырысында әйелдердің әлеуметтік және экономикалық жағдайын жақсарту, отбасы институтын нығайту және әлеуметтік қолдау тетіктерін жетілдіру жайлы ұсыныстар айтылды. Қатысушылар өз ойларын білдіріп, аталған мәселелердің шешу жолдары талқыланды.

Жиын соңында Сырдария ауданы бойынша «Алтын алқа» және «Күміс алқа» иегерлері арнайы медальдармен марапатталып, ардақты аналарға құрмет көрсетілді.