Азық-түлік қауіпсіздігін қамтамасыз ету мақсатында бақша дақылдары егілді

2024 жылы облыс әкімінің тапсырмасына сәйкес, азық-түлік қауіпсіздігін қамтамасыз ету мақсатында 162 гектар қосымша жер дайындалып, 767 адам бақша дақылдарын егіп, нәтижесін көрді. Бұл туралы аудан әкімі Берік Сәрменбаев Өңірлік коммуникация қызметінің баспасөз алаңында өткен брифингте мәлімдеді.

- Бақша дақылдарын егуде жастар белсенділік танытты. 2023 жылы ауданда 4 жастар бригадасы болса, өткен жылы олардың қатары 6-ға жетіп, 61 жас еңбек етті. Атап айтқанда, Айдарлы, Аманкелді, Жетікөл, Шіркейлі, Бесарық, Асқар Тоқмағамбетов елді мекендерінде жастар бригадасы 65 гектарға бақша дақылдарын екті, - деді аудан басшысы.