Өткен жылы «Тұрғын үй-коммуналдық инфрақұрылымды дамытудың 2023-2029 жылдарға арналған тұжырымдамасын» іске асыру жөніндегі іс-қимыл жоспары негізінде Тереңөзек кентінде 140 пәтер сатып алынып, кезектілікте тұрған тұрғындарға табысталды. Бұл туралы аудан әкімі Берік Сәрменбаев Өңірлік коммуникация қызметінің баспасөз алаңында өткен брифингте мәлімдеді.

- «Ауыл – ел бесігі» бағдарламасымен құны 174 млн. теңгеге Тереңөзек кентіндегі көпқабатты тұрғын үй ауласын абаттандыру жұмысы жүргізілуде. Мемлекеттік бағдарлама аясында құны 73,2 млн. теңгеге аудан орталығында 6 көпқабатты тұрғын үй қайта жаңғыртудан өткізілуде, - деді аудан басшысы.