Сырдария ауданының бюджеті 2024 жылы 17 млрд. теңгеге жуықтады. Бұл туралы аудан әкімі Берік Сәрменбаев Өңірлік коммуникация қызметінің баспасөз алаңында өткен брифингте мәлімдеді.

– Ауданның өнеркәсіп орындары 98,2 млрд. теңгенің өнімін өндірді. Көрсеткіш 66,7 пайызға ұлғайды. Оның ішінде, өңдеу өнеркәсібі 13,5 млрд. теңгені құрап, 7,5 пайызға өсті. Аудан экономикасына 85,2 млрд. теңге негізгі капиталға инвестиция тартылды. Өсім – 35,7 пайыз. 2024 жылы ауданда 27,3 мың шаршы метрді құрайтын тұрғын үй салынып, 2023 жылмен салыстырғанда 8,8 пайызға артты. Құрылыс жұмыстарының көлемі 24,7 млрд. теңгені құрап, 46,1 пайызға өсті, - деді аудан басшысы.