Жаңа заң талқыланды
Жақында аудандық мәдениет үйінде «Мемлекеттік сатып алу туралы» жаңа Заңның нормаларын түсіндіру мақсатында және мемлекеттік сатып алу саласындағы заң бұзушылықтар туралы көшпелі семинар-кеңес өткізілді. Оған Қызылорда облысы бойынша ішкі мемлекеттік аудит департаментінің камералдық бақылау бөлімінің басшысы СәдірЕржанұлы, камералдық бақылау бөлімінің бас маманы Жасұлан Үсенов,Қызылорда облысының мемлекеттік сатып алу басқармасының жұмыстарды мемлекеттік сатып алу бөлімінің басшысы Дәулет Имаш, аудандық экономика және қаржы бөлімінің басшысы Ерлан Ахетов, ауыл әкімдері мен сала мамандары қатысты.Негізінен, семинар-кеңесте 2025 жылдың 1 қаңтарынан бастап қолданысқа енетін «Мемлекеттік сатып алу туралы» жаңа Заңның мазмұны түсіндірілді. Мемлекеттік сатып алуда жүзеге асырылатын қағиданың бірнеше нормасы егжей-тегжей талқыланды. Тиісті сала өкілдері мемлекеттік сатып алуларға бақылау жүргізу жұмыстары бойынша ағымдағы жылдың 10 айында қалыптасқан заң бұзушылықтар туралы баяндама жасап, заңнаманың талаптарын қатаң сақтау керектігін жиналған көп шілікке ескертті.
– Бүгінде жаңа Заңның шеңберінде бір қатар өзгеріс орын алып отыр. Шын мәнінде, белгіленген нормаға сәйкес, жұмыс жасаған абзал. Талап барлығымызға ортақ. Семинарда мемлекеттік сатып алу барысында кездесетін факторларды талқылауға мүмкіндік туып тұр. Қашанда сапалы әрі ұтымды жұмыс жасай алған сәтте саланың қызметі оңтайланады. Мұндайда жауапкершілікпен қарау – басты орында, – деді Қызылорда облысы бойынша ішкі мемлекеттік аудит департаментінің камералдық бақылау бөлімінің басшысы Сәдір Ержанұлы.
Іс-шара барысында қаты сушылардың жұмыс барысында кездесетін мәселелері мен ұсыныстары тыңдалды. Жаңа Заңға байланысты жиынға қатысушылар өзара пікір алмасты.
Б.ОРДАБЕКОВ
