Ең алдымен, елеулі күнде өңірлердің белсен­ділігі қалай болғанын айтпай кету­ге болмас. Орталық референдум комиссия­сының дерегінше, дауыс беруде Алматы қаласының халқы бәсең болған, қала тұр­ғын­дарының тек 25,39 пайызы таңдау жасапты. Ал ең белсенді болған өңір – Қызылорда облысы – 82,48 пайыз. Бұл – рес­пуб­лика бойынша рекордты көрсеткіш.

Республикалық референдумға аудан тұр­ғын­дары да белсенді қатысып, өз таң­дау­ларын жасады. Аудан халқының сая­си науқандағы белсенділігі жоғары болды. Дауыс беруге тұрғындармен қатар ауданымыздың белсенді азаматтары, ар­дақ­ты ардагерлер, әкелер және әжелер ан­сам­блі, мерейлі отбасы байқауының жеңім­паздары, спортшылар, ұстаздар, көкпаршыларға да қатысып, өз таңдауларын жасады. Жалпыхалықтық референдумға жас­тар да қатысып, өз таңдауларын жасады. 18 жасқа толып, тұңғыш рет науқанға қатысқан жастар да бар. Ұлы Отан соғысының ардагері Яхия Тасыров референдум күні алғашқылардың бірі ретінде өз учаскесінде бюллетень алып дауыс берді. Қария бұл күннің маңыздылығын атап өтіп, комиссия мүшелеріне ақ батасын берді.

Таңсәріден учаскеге ерте келіп, алғашқы болып дауыс берген азаматтарға және ең жас дауыс берушіге арнайы сыйлық табысталды. Маңызды науқанда аудан жастарының ұйымдастыруымен «Автоволонтер» қызметі жұмыс жасады. Референдумға келген көпшілікке тегін автокөлік қызметі көрсетілді.

Бұл референдум ел тарихындағы ең ерекшесі болғанын айта кету керек. Себебі, алғашқы үшеуі саяси мәселелерге бағыт­талған болса, бұл жолғысы халықтың өз болашағын шешуге бағытталған жолы іспет­ті көрініс тапты. Бүкіл ел аумағында сайлау учаскелері сағат 07.00-де жұмыс істей бастады. Алғаш­қы­лардың бірі болып билік өкілдері дауыс беріп жатты. Олардың арасында Президент Қасым-Жомарт Тоқаевтың өзі де болғанын білеміз.

– Осы күн тарихқа енетіні сөзсіз. Біздің азаматтар атом электр станциясына қатыс­ты шешім қабылдауы керек. Референдум – тікелей демократияның механизмі. Халық қандай шешім қабылдаса да, мемле­кет оның еркіне бағынады. Дұрыс шешім қабыл­данатынына сенімдімін. Сондықтан мен референдум өткізуді қолдадым, – деді Президент.

Таңғы сағат 7.00-ден кешкі 20.00-ге дейін жүргізілген сауалнаманың алдын ала нәти­жесі бойынша «Сіз Қазақстанда атом электр станциясын салуға келісесіз бе?» деген сұраққа дауыс берушілердің 71,8 пайызы «Иә, келісемін» деп жауап берді. Ал 28,2 пайызы «Жоқ, келіспеймін» деген жауапты таңдаған.

Сондай-ақ референдумның ашықтығын бақылауға келген тіркеуден өткен байқау­шылардың да легі көп. Айта кетейік, учаске­лерде заң бұзушылықтар тіркелмеген.