Балқаш көліне 250 мыңнан астам шабақ жіберілді
Осы күзде Балқаш көліне 501 мың шабақ жіберілуі тиіс. Қарағанды облысы жағынан көлге 251 мың тұқы шабақтары жіберілді, деп хабарлайды BAQ.KZ.Күз мезгілі – балықты тоғанға жіберудің ең оңтайлы уақыты. Судың температурасы ауа температурасымен сәйкес келеді. Ал ыстық ауа-райында балықтар тасымалдауға төзе алмай, қиналуы мүмкін.
Шығарылған шабақтың орташа салмағы 12-ден 20 грамға дейін. Уақыт өте келе ересек сазанның салмағы 10 кг-ға дейін жетеді.
Шабақтарды арнайы белгіленген орындарға жібереді. Мамандардың айтуынша, балық ұзақ жолдан кейін демалып, содан кейін тереңдікке кетуі керек.
Фото: Қарағанды облысының әкімдігі
