«Қызылорда облысында жер заңнамасын бұзғаны үшін Серіктестікке 3 млн теңге көлемінде айыппұл салынды. Қызылорда облысының жер ресурстарын басқару департаментімен Қызылорда облысы ауыл шаруа­шылығы басқармасының хаты негізінде «G» жауапкершілігі шектеулі серік­тестігінің қызметінде жер заңдылықтарының сақталуына тексеру жүргі­зілген» делінген Мұрат Теміржановтың жазбасында.

Нақтырақ айтар болсақ, серіктестік жерге құқықты белгілейтін құжат­тарын рәсімдеп алмастан Сырдария ауданының босалқы жерлерінен көлемі 9,5 гектар мемлекеттік жер учаскелерін заңсыз иеленіп, кең таралған пайдалы қазбаларды өндіру (карьер №1, №2) мақсатында пайдаланған. Сондай-ақ топырақтың құнарлы қабатын заңсыз сыдырып алғаны анықталған. Соған сәйкес ҚР «Әкімшілік құқық бұзушылық туралы» кодексінің 136, 337-баптарымен әкімшілік іс өндірістері қозғалып, ЖШС-нан 2 953 600 теңге көлемінде айыппұл өндірілген. Сонымен қатар ҚР Жер кодексінің 148-бабының 1-тармағының 6-тармақшасына сәйкес ҚР жер заңнамасының талаптарын бұзушылықтарды жою туралы орындалуға міндетті нұсқама берілген.

«Айта кету керек, нұсқама орындалмаған жағдайда ЖШС ӘҚБтК-нің 462-бабы бойынша әкімшілік жауап­кершілікке тартылады және нұсқаманы мәжбүрлі түрде орындату үшін департаментпен сотқа талап арыз берілетін болады» деп түйіндеген ҚР АШМ Жер коми­тетінің төрағасы – ҚР Жерді пайдалану мен қорғау жөніндегі бас мемлекеттік инспекторы өз жазбасын.