Бүгін, бүгін, бүгін
Бүгін – 24-інші тамыз. Бұл күн тарихта қандай атаулы оқиғалармен есте қалғанын білесіз бе?Алдымен әлем елдерін бір шолып өтейік. АҚШ-та бүгін Ұлттық вафли күні тойланады. Мерекенің тарихы 1869 жылдың 24 тамызынан басталады. Сол күні америкалық Корнелиус Свартхаут тәтті тағамды жасауға мүмкіндік беретін табаны патенттеді. Осылайша, вафли жасалған. Вафли 42 жылдан соң оның электронды нұсқасы қолданысқа енді. Бір қызығы, вафли әлі күнге сұранысқа ие тағам түрі. Ал Украинада бүгін тәуелсіздік күнін тойлайды. Мереке 1992 жылы бекітілген. Бұл қазіргі Украина мемлекетінің құрылған күні болып саналады. Қырғызстанда Ішкі әскери күні аталып өтсе, Грузияда – Конституция күні мерекеленеді. Сондай-ақ Эстонияда – 18 ғасырдан бері келе жатқан күздің басталуы тойланатын – Пяртель күні. 1904 жылдың 24-інші тамызында Ресейде денесіне зақым келтіріп жазалау әдісі жойылды. 1949 жылы НАТО-да білім беру туралы келісім-шарт күшіне енді. Осы ретте 2006 жылы Плутон Күн жүйесіндегі планеталардың бірі саналмайтын болып, шағын ғаламшарлардың қатарына жатқызылды. 2008 жылы Қытай астанасы Бейжіңде XXIX жазғы Олимпиада ойындарының жабылу рәсімі өтті.
Бұл күні елімізде де қоғамдық-саяси маңызы бар оқиғалар болды. 1992 жылы Қарағанды облысында Кенесары ханның қолбасшысы Ағыбай Қоңырбайұлының туғанына 190 жыл толуы аталып өтті. 1996 жылы Алматы облысында Сүйінбай атындағы әдеби-ескерткіш музейі ашылды. 2012 жылы Маңғыстау облысында «Жеқазған-Бейнеу» темір жол желісін салу басталды. 2016 жылы Қазақстан армиясы елімізде шығарылған «Арлан» алғашқы брондалған машиналарымен жабдықталды. 2016 жылы Белградтың орталық көшесінің бірінде қазақтың ұлы ақыны Жамбыл Жабаевтың мүсіні ашылды. 2016 жылы халықаралық олимпиада комитетінің президенті Томас Бах қазақстандық танымал боксшы Геннадий Головкинге айрықша олимпиадалық төсбелгісін жолдады.
24-інші тамызда дүниеге келген белгілі тұлғалар қатарында әйгілі ресейлік мүсінші Евгений Лансеренің, театр және кино актрисасы Джемма Осмоловскаяның, бразилиялық жазушы және ақын Пауло Коэльоның, режиссер, тележүргізуші Стивен Фрайдың, суретші Ғани Баяновтың, мемлекет және қоғам қайраткері Төлеген Сәрсембековтің есімін атауға болады.
«Тт» ақпарат
Фото: ernur.kz
