Жаңа жыл қарсаңында жәрмеңке өтті

Жаңа жыл мерекесі қарсаңында Тереңөзек кентінде ауыл шаруашылығы өнімдерінің жәрмеңкесі өтті. Жәрмеңкеге ауданға қарасты барлық ауылдан және «Байқоңыр» ӘКК» АҚ-нан азық-түлік, бақшалық дақылдар жеткізіліп, арзан бағада сатылды.

Жұртшылыққа арналған жәрмеңкені аудан әкімі Берік Сәрменбаев аралап, кәсіпкерлермен сөйлесіп, халық пікірін білді. Арзан өнімге қол жеткізген тұрғындар ризашылықтарын жеткізді.

Жәрмеңкеге елді мекендерден 20 көлікпен ауыл шаруашылығы өнімі жеткізілді. Бәрі де базар бағасынан 10-15 пайызға арзан сатылды.