Мемлекет басшысы Қырғыз Республикасының Президенті Сооронбай Жээнбековпен телефон арқылы сөйлесті. Әңгімелесу барысында Қазақстан мен Қырғызстан президенттері екіжақты ынтымақтастықтың қазіргі жағдайы мен перспективаларын, бұған дейін қол жеткізілген жоғары деңгейдегі уағдаластықтардың іске асырылу барысын, сондай-ақ Еуразиялық экономикалық одақ аясындағы тараптардың өзара ықпалдастық мәселелерін талқылады.