IP-мекенжайын қара тізімге енгізу арқылы Telegram мессенджерін бұғаттау мүмкін емес. Бұл туралы ресейлік интернет-омбудсмен Дмитрий Мариничев РИА Новости басылымына берген сұхбатында мәлімдеді, деп хабарлайды Baq.kz ақпарат агенттігі.Ол аталған мессенджерді бұғаттау механизмінің дұрыс жұмыс істемейтінін айтып, алдағы уақытта сервиспен емес, контент авторларымен күрес жүргізуді ұсынды. Мариничевтің айтуынша, бұғаттау процесі ұзаққа созылуы мүмкін.

«Telegram мессенджерінің тұтынушыларға арналған бөлігінің ашық код екені белгілі болса да, оны сараптап, қалай жұмыс істейтінін түсініп алуға болады. Себебі, Telegram сайт емес, қосымша. Ресурсты IP-мекенжай арқылы бұғаттау мүмкін емес», - дейді омбудсмен.

Интернет-омбудсменнің айтуынша, Telegram өзінің бағдарламасын қайта жаңартып, Роскомнадзордың шектеулерін айналып өтіп отырады.