«Ел құрметі» медалі табысталды

Аудан әкімдігінде аудан әкімінің орынбасары Талғат Нұртазаев респуб­ликалық «Ел құр­меті» қоғамдық қорының медалін бірқатар са­ла ардагері мен қызметкерге табыс етті.

– Соңғы 3-4 жылдан бері рес­пуб­ликалық «Ел құрметі» қо­ғам­дық қорымен әріптестік бай­ла­­ныс орнатып, ауданның өсіп-өр­кендеуіне үлес қосқан аза­­маттарды марапаттап келе­­міз. Бүгін­ де балабақша, кітап­хана, теле­коммуникация қызме­тінде адал еңбек атқарып, ел құрметтісі атанған ардагерлер мен қызметкерлер марапатталады, – деді аудан әкімінің орынбасары Т.Нұртазаев.

Марапат төрінен көрінген­дердің қатарында №2 «Бал­дәурен» балабақшасының арда­гері Айткүл Ахмедова, телекоммуникция саласының ардагері Мария Ержанова қордың арнайы сертификатымен және «Ел құрметі» медалімен марапатталды. Сонымен қатар бала тәрбиесіне қосқан сүбелі үлесі мен еңбегі үшін қор директоры Ж.Шынарбектің алғыс хатымен және «Еңбек даңқы» ме­далімен №2 «Балдәурен» ба­­­лабақшасының меңгерушісі Ақа­най Шоханова, аудандық ор­талықтандырылған кітапхана жүйесінің маманы Жанар Байдосова «Үздік қызметкер» ме­да­лімен, «Қарлығаш» жеке бала­бақшасының меңгерушісі Эльвира Збайрова «Ұстаз мәртебесі» меда­лі­­мен марапатталды.

Марапаттау рәсімінде қоғам­дық қордың аудандағы ұйым­дас­тырушысы Шолпан Ералиева туған елге қызмет етіп, абырой биігіндегі азаматтарға лайықты құрмет көрсетуге аудан әкімдігі қолдау білдіргеніне алғысын ай­тып, арнайы медальді ең ла­йықтылар ғана иеленетінін жеткізді.

Жиында еселі еңбекке лайықты құр­мет көрсетіп, арнайы ма­рапаттаған ау­дан әкімдігі мен республикалық «Ел құрметі» қоғамдық қорына сала арда­герлері А.Шоха­но­ва, М.Ержа­но­ва, Э.Збайрова алғыстарын біл­дірді.

Айта кету керек, ауданда осы күнге дейін қоғамдық қордың медалімен 150-ге жуық азамат марапатталған.

Б.ЖАНӘЛІ