Жұмысына сәттілік тіледі

Аудан әкімі Мұрат Ергешбаевтың төрағалығымен актив жиыны өтті. Жиында жаңадан тағайындалған мекеме басшылары таныстырылды.

Аудан басшысы ең алдымен был­тырғы жылдың жемісті қорытынды­лан­ғанына тоқталды. Оның ішінде бюд­жет қаражатының сапалы әрі уақыты­лы игерілу жөніндегі қорытынды ақпарат­тармен бөлісті.

– Бюджет қаржысын заң шеңберінде игеру – бәріміздің ортақ міндетіміз. Осы жауапты іске тиісті сала мамандары биыл ерекше үлесін қосты. Соның не­гізінде 2022 жылдың қорытындысымен аудандағы бюджет қаражатының иге­рілуі 99,8 пайызды құрады. Осындай жүйелі жұмыс биыл да жүргізілуі керек. Ол үшін әр бөлімнің басшысы, кент және ауыл әкімдері жеке жауапкершілік танытуы қажет. Бұл менің жеке бақылауымда болады, – деді аудан әкімі.

Мұнан соң М.Ергешбаев аудандық мемлекеттік кірістер басқармасының басшысы Ашраф Жүсіповтің басқа қыз­метке ауысуына байланысты оның жұ­мысына сәттілік тіледі. Ол алдағы уа­қытта ҚР Қаржы министрлігінің Мем­лекеттік кірістер комитетінің облыстық департаментінің ірі салық төлеу­шілер­мен жұмыс басқармасының басшысы қыз­метін атқаратын болады.

– Ашраф Шағдатұлы ауданда қыз­мет еткен кезеңде өзінің білікті басшы, іскер ұйымдастырушы екенін дә­лелдеді. Оның басшылығымен нақты жұмыстар жүргізіліп, бюджет көлемі ұлғайды. Сондықтан жаңа қызметке та­ғайындалып жатқан азаматқа шын жүректен сәттілік пен абырой тілеймін. Жауапты қызметте елдің сенімін ақтап, жоғары жетістіктерге жетеді деп се­немін, – деген Мұрат Нәлқожаұлы бір­лесе жүргізілген нәтижелі жұмыстар үшін «Алғыс хат» табыстады.

Мәжілісте Қызылорда облыстық та­рихи-өлкетану музейінің Сырдария ау­дан­дық тарихи-өлкетану музейі филиа­лының меңгерушісі қызметіне Салтанат Қуандықованың тағайындалғаны жария етілді. Ол бұған дейін тарихи-өлкетану музейінде ғы­лыми қызметкер ретінде жемісті ең­бек еткен болатын. Аудан бас­шысы жоғары білімді, сауатты маманға сәттілік тілеп, ауданның рухани-мәдени, қоғамдық-саяси дамуына, құнды жәді­герлердің сақталуына өзіндік үлес қоса­тынына сенім білдірді.

Сондай-ақ «Қазпошта» АҚ Сырдария ау­дандық филиалының директоры лауазымына тағайындалған Нұрбек Өтеу­лиев таныстырылды. Ол жеке секторда, коммуналдық салада бірнеше жыл абыройлы еңбек еткен. Жоғары білімді азамат алдағы уақытта пошта саласындағы жұмыстарды жандандыруға атсалыс­пақ. Аудан әкімі халыққа сапалы қыз­мет көрсету – ортақ міндет екенін айтып, жұмыс ауқымы кең, жауапкершілік жүгі жоғары сала басшысына қызметте сәттілік тіледі.

Актив жиынында аудандық ардагерлер кеңесінің төрағасы Мұса Келдібаев сөз сөйлеп, кадрлық өзгерістерге байланысты пікір білдірді. Ардагер Сырдария ауданы білікті кадрлардың ұстаханасы екеніне назар аударып, ауданнан мол тәжірибе жинаған азаматтардың облыста абыройлы еңбек ететініне ті­лек­тес екенін айтты.

Мәжілісті аудан әкімі қорытындылап, әлеуметтік-экономикалық көрсеткіш­тер­ді жақсарту жөнінде бірқатар нақты тапсырмалар берді.

«ТТ ақпарат»