Тақырыпқа Тәуелсіздікті арқау етті

Апта ағымында Тереңөзек кенті әкі­мінің қолда­уы­мен, «Тереңөзек жас­тары» қоғамдық қорының ұйымдас­ты­руымен ауданның белсенді жастары арасында «Тереңөзек – тұғырым» та­қырыбында челлендж өткізілді. Ау­дандық жастар ресурстық орталы­ғы­ның бастамасымен жүзеге асқан іс-ша­раға 3 номинация бойынша 20 талапкер қатысты.

Аудандық ішкі саясат бөлімінің мә­жіліс залында бас қосқан жас­тар  «Үздік пост», «Үздік сурет», «Үздік бейнеро­лик» номинациясы негізінде жасалған жұмыстарын таныс­тырды. Ұлық мереке – «16 желтоқсан – Тәуелсіздік күні» жайында ойларын ортаға салды. Қашанда жаңашылдыққа бейім жастар Сырдария ауданының көрікті жерлерін бейнелеп, егемендік жылдары қол жеткізген толағай табыстарға кеңінен тоқталған.

– Ұлық мерекенің мән-мағынасын тереңнен ұғына білу – жас ұрпақтың тікелей міндеті. Тәуелсіздік алған күн­нен бас­тап, қазақ халқы егемен­діктің қадір-қасиетін сезініп келеді. Бұл ретте, белсенді жастар «Тереңөзек – тұғырым» тақыры­бындағы челленд­жге айрықша үлес қосты. Әрбір әлеуметтік желіде жарияланған пост, бейнеролик, суреттің сапасына, мазмұндылығына, ерекше дайындалғандығына мән берілді. Сол арқылы үздіктер анықталып отыр, – деді аудандық жастар ресурстық орталығының маманы Нұржан Сейтжанов.

Өз кезегінде бірнеше күнге со­зыл­ған челлендж қоры­тындысы шыға­рылып, белсенді жастарды марапатталды. Байқау қорытындысында «Үздік пост» номинциясы бо­йын­ша І орынды Балтабай Ордабеков, ІІ орынды Жұлдызай Аншаева, ІІІ орынды Нұрайша Төлепбергенова иеленді.  «Үздік сурет» номинациясынан І орынды Салтанат Маратова, ІІ орынды Айсана Серікбаева, ІІІ орынды Айымжан Сағатбек еншіледі. Ал«Үздік бейнеролик»  номинация­сынан І орынды Нұрислам Нұрмаханов, ІІ орындыТамырлан Жасұланұлы, ІІІ орынды Гүлбибі Салманқызы иемденді. Тереңөзек кенті әкімдігінің жастар ісі жө­ніндегі маманы Бақытжан Әнуарбеков челленджде үздік атан­ған аудан жас­тарына арнайы дип­лом мен бағалы сыйлық тапсырды. 

Негізінен, үздіктер қатарынан кө­рін­ген жастар Тәуел­сіздік туралы толғамды ойларын кеңінен жеткізген. Арайлы Азаттықтың басты құндылық екенін жеткізіп, тақы­рып­тарына егемендікті арқау еткен. Осы­ған дейін туған жер топырағында жасалып жатқан игі­лікті істерді бейне­лей түскен. Тоқы­рау жылдарындағы қиын­шылық пен ауыртпалық кезеңді барынша ашып көрсетуге тырысқан. Сонымен бірге жылдар бойы жасалып жатқан өміршең жобаларды, экономикамыздың дамуын бейнеролик барысында аңғара білдік. Санаға сілкініс сыйлаған егемендік жайлы жазылған жазбалар көпшілікке біршама ой сал­ды. Ал Сырдария ауданының әсем де көр­некті жерлері көрініс тапқан суреттер жиынтығы кез келген адамның көкірегіне мақтаныш сыйлайтыны рас.

«ТТ» ақпарат