Тіршілік тынысы Tirshilik-tynysy.kz ақпараттық агенттігі
» » Сыр спортшылары сайлауға белсене қатысты

Сыр спортшылары сайлауға белсене қатысты

Бүгін «Amanat» партиясы Сырдария аудандық филиалының консультанты Берік Ахметов Сырдария ауданындағы «Қайсар» көгалдағы хоккей клубы ойыншыларымен кездесу өткізді. Кездесу барысында аудандық партия филиалының консультанты Берік Ахметов спортшыларға аудан тұрғындарын дауыс беруге белсенді қатысқаны және Президентті қолдағаны үшін, сондай-ақ қоғамды «Әділетті Қазақстанды» құруға белсенді қатысуға шақырғаны үшін ризашылығын білдірді.

– Қызылордалық жерлестер 20 қарашада өткізілген сайлауға белсене қатысып, нәтижесінде республика бойынша 2 орынды иемденіп отырмыз. Қасым-Жомарт Тоқаевтың жеңісі – бәрімізге ортақ жеңіс. Себебі, халық «Әділетті Қазақстанды» құрудағы Қ.Тоқаевтың сайлауалды бағдарламасымен толық танысып, оның жүзеге асатындығына сенім артып отыр. Ендігі жерде Президентпен бір болып, аталған жұмыстарды жүзеге асыру міндеті тұр, – деді сала маманы.
 
Өз кезегінде сырдариялық клубтың бас жаттықтырушысы Сұлтан Қобландин спортшылар өткен сайлауда белсенділік танытқандықтарын атап өтті.

– Елімізде спортшыларға қолдау көрсетіліп келеді. Ел намысын «Қайсар» көгалдағы хоккей клубы абыроймен қорғап келеді. Тәуелсіз мемлекетіміздің намысын  алыс-жақын шетелдерде қорғай береміз. Жастар кезектес тыс ҚР Президентінің сайлауында белсенді дауыс берді. Өз таңдауларын жасады. Еліміз өркендеп, дами берсін, – деді бас жаттықтырушы.  
01 желтоқсан 2022 ж. 285 0