Бір топ азамат «Сырдария ауданының Құрметті азаматы» атанды
Бұл туралы аудандық мәслихаттың кезектен тыс ХХ сессиясынан кейін аудандық мәслихат депутаты, "АМАНАТ" партиясы жанындағы "Жастар рухы" жастар қанатының аудандағы төрағасы Ақтөре Ибрагимұлы хабарлады."Сессияда депутаттардың қолдауымен ауданның әлеуметтік-экономикалық, қоғамдық-саяси дамуына еңбек сіңірген бір топ азаматқа «Сырдария ауданының Құрметті азаматы» атағын беру туралы шешім қабылданды. Оның ішінде Жансары Адранова, Әбдімәжит Жансақалов, Мамыр Байдаулетов, Біләл Мақашұлы, Керейтбай Мамытов, Ғизат Әбілтай, Мақсұт Әбілдаев, Оразбек Сейтмұратов және Қайрат Нұрсейітов бар" делінген хабарламада.
Айта кетейік, атақтар алдағы ауқымды мереке күндерінде табысталатын болады.
"Тт-ақпарат"
