Қазіргі таңда қоғамда есірткіге тәуелділік деңгейі біршама өсіп келеді. Бұл дегеніміз қоғамдық дерт десек, бұл дертке шалдыққандар жас талғамайтындығы дәлелдеуде. Олардың қатарында ер азаматтар мен бірге нәзік жандылар да көптеп кездеседі. Арнайы орталықтарда емделіп, өмірге бейімделген жастарды көргенде қуанып қана қоймай, кейде қайта теріс жолда жүргендерді көріп қынжыласың.
Есірткіге қарсы күрес әлем бойынша жүргізілуде. Әрқашан біздер жастар санасына аталған мәселе жөнінде кеңінен айтып, оның өміріне әкелетін қасіретін түсіндіріп, жамандықтан жирендіруге тырысудамыз. Есірткі адам өмірін жалмайтын бірден-бір қасірет. Кейбір жастардың әрекеті айрандай ұйыған отбасының шырқын бұзып жатады. Міне, осындай ахуалмен дер кезінде күреспесек, келер ұрпақтың тамырына балта шабылады.