Мәжіліс депутаты кент тұрғындарымен кездесті

Бүгін ҚР Парламенті Мәжілісінің депутаты Г.Г.Шиповскихтің Сырдария ауданына іс-сапары басталды. 

Тұрғындармен кездесуге Мәжіліс депутатымен бірге «Nur Otan» партиясы Сырдария аудандық филиалы төрағасының бірінші орынбасары Е.Жақып, жауапты сала басшылары және БАҚ өкілдері қатысты.

Сапар аясында мәжіліс депутаты Тереңөзек кентінің мәдениет үйінде кент тұрғындарымен және спортшы жастармен кездесті. Кездесу барысында кент тұрғындары тарапынан үкіметтік емес ұйымдар қызметіне және зейнеткерлік жасын азайтуға байланысты өткір сұрақтар қойылды. Өз кезегінде Мәжіліс депутаты Г.Шиповских тұрғындар тарапынан қойылған сауалдар назарға алынып, ұсыныстар жоғарғы органдарға жеткізілетіндігін атап айтты.