Мемлекеттік қызмет жауапкершілік жүктейді

Мемлекеттік қызмет – мемлекеттік қыз­метшінің мемлекет­тік биліктің міндет­тері мен қызметтерін мемлекеттік органдарда атқаратын қызметі. Мемлекеттік қызметші мемлекеттік биліктің айнасы деуге болады. Оларға жоғары талаптардың қойылатындығы да содан болар. Мемлекеттік қызметші бі­лімді, білікті, адал, әділетті және өз елінің патриоты болуы тиіс.

Мемлекеттік қызметші қарапайым ха­лық пен мемлекеттік биліктің арасын­ байланыстыратын бір буын бол­ғандықтан, оның жұмысы халыққа сапалы қызмет көрсетуімен бағаланады.

Халыққа қызмет ету қашан да абыройлы міндет болғанымен, сенім арт­қан жандардың үмітін ақтау, көптің көңі­лінен шығу да оңай шаруа емес. Сот жүйесі – биліктің үшінші тармағы, мұнда ке­летін азаматтардың басым бөлігі бір­неше мекеменің табалдырығын тоздырып, төзімдері таусылып, ашу-ызамен, агрессиямен келіп жатады. Сондықтан мемлекеттік қызмет кез келген жағдай­дан шешім тауып шыға алатын, жылдам­дылық, төзімділік мінезді де талап етеді.

Мемлекеттік қызметші қызмет бабын­да, қоғамдық ортада заң талаптарын сақтап, сыбайлас жемқорлықтан алшақ жүріп, алдын алуы тиіс. Сонымен қатар, ол әрқашан қарапайымдылық таны­тып, өзін ортада дұрыс ұстау арқылы ха­лық­тың мемлекетке деген сеніміне кү­мән кел­тірмеуі керек.

Мемлекеттік қызметшінің міндеттері мен бірге құқықтық жағдайы, әлеуметтік қорғалуы «Қазақстан Республикасының мемлекеттік қызметі туралы» Заңымен реттеледі.

Р.Сүлейменова,

Сырдария аудандық сотының

кеңсе меңгерушісі