Бір азаматқа ерекше талап белгіленді

Аудан бойынша қазіргі таңда отбасы-тұрмыстық қарым-қатынастар саласында ауыр және аса ауыр қылмыстарға жол бермеу мақсатында "Тұрмыс" жедел профилактикалық іс-шарасы өткізіліп жатқаны белгілі. Өз кезегінде аудандық полиция бөлімінің қызметкерлері әкімшілік-құқықтық тәртіпті бұзған азаматтарды анықтауда.

Мәселен, ӘКБтК-нің 73 бабының 1-бөлігі негізінде отбасылық жанжал тудырғаны үшін бір азаматты сот қаулысымен қамауға алды. Бұл ретте, аталған азаматқа 3 ай мерзімге ерекше талап белгіленді. Талапты орындау барысында ол ішімдікті ішпеуге, тәртіп бұзушылықты болдырмауға міндетті.

Айта кетейік, сала мамандары ауданға қарасты қолайсыз отбасылардың үйіне барып, профилактикалық-түсіндірме жұмыстарын жүргізді. Кездесу барысында тұрғындар өз өтініштерін жеткізді.

Нұрбол БАЙЖАНОВ,

Сырдария АПб-нің жергілікті полиция қызметі бөлімшесінің әйелдерді зорлық зомбылықтан қорғау тобының инспекторы, полиция лейтенанты