Қызылордада төтенше жағдай кезінде 364 құқық бұзушы анықталды
Төтенше жағдайға байланысты Қызылорда облысы Полиция департаментінің жеке құрамы күшейтілген режимде жұмыс атқарып жатыр.Облыс бойынша (ҚР ӘҚБтК-нің 476-бабы) 242 құқық бұзушылық дерегі тіркелді. Оның ішінде сот шешімімен 11 құқық бұзушыға ескерту берілсе, 44-неайыппұл салынды, 159-і әкімшілік қамаққа алынды.Ал Қазақстан Республикасының бейбіт жиналыстарды ұйымдастыру және өткізу тәртібі туралы заңнамасын бұздың (ҚР ӘҚБтК-нің 488-бабы)122 дерегі анықталып, сот шешімімен 2 құқық бұзушыға ескерту, 12-не айыппул, 92 әкімшілік қамаққа алу түріндегі тәртіптік шаралары көрілді.
«Арнайы жедел-тергеу тобы құрылып, бүлікке қатысқан 96 азаматтардың үстінен 53 қылмыстық іс қозғалып, күдіктілер УҰИ-на қамауға алынды. Төтенше жағдай режимі кезіндегі талаптардың сақталуын қадағалау мақсатындағы жұмыстар жалғасуда», – делінген полиция департаментінің хабарламасында.
