Арал теңізінің аймағымыздың экологиясы үшін маңызы зор. Оның суының жылма-жыл толығуы жолында Елбасының қамқорлығы айрықша. Бүгінде ғасыр жобасы саналатын САРАТС-тың Мемлекет басшысының бастамасы мен бірге өмірге келіп, Арал аймағына тіршілік сыйлап жатқаны көңіл қуантады.
Су қашаннан тіршілік көзі. Арал теңізінде көптеген кәсіптердің, әсіресе балық аулаудың жандануы бұрын үдере көшкен елдің атамекенге оралуына игі ықпал етіп отыр. Қазіргі таңда Аралда бірнеше балық зауыты жұмыс жасап, су маржандары шет елдерге дейін экспортталуда. Балықшылар асау толқынмен алысып, ата кәсіппен айналысуда. Бұл дегеніңіз теңізге тіршілік қайта оралып, оның адамзатқа қызмет етуі жанданды деген сөз.