Энергетика саласының мамандары марапатталды

Аудан әкімінің орынбасары Ғалымжан Еркебай энергетика саласы қыз­меткерлерін кәсіби мерекесімен құттық­тады. атау­лы күнге арналған Мерекелік қабылдауға Те­реңөзек АЭТ-нің бас­шы­сы Нұрлыбек Кәкім бас­таған ұжым қызмет­керлері қа­тыс­ты.

Аудан әкімінің орынбасары ауданды электр энер­гиясымен қамтамасыз ету бағытында сала қыз­мет­керлерінің еңбегі зор екенін атап өтті.

– Қазір электр энергиясынсыз ештеңені елестете алмаймыз. Жарық сөнсе, интернет желісі істен шығады, ал интернет желісі істен шықса, ақпарат­тық байланыстар үзіледі. Халық көптен күткен табиғи газдың да игілігін көру үшін ең әуелі электр энергия­сы қажет. Осы ретте, күрделі де қиын салада еңбек ететін мамандардың еңбегі қай қырынан алсақ та құрметке лайықты, – деді Ғ.Еркебай.

Қабылдауда тапсырылған жұмысты тиянақты атқарып, қызметінде жетістіктерді бағындырған бір­қатар қызметкерлерге аудан әкімінің «Алғыс хатын» табысталды. Бұл жолы инженер А.Дүйсенов, есепке алу инженері А.Мейрамбекұлы, шебер С.Сағидуллаев, техник Г.Ботабекова, есепке алу технигі Н.Раппазадаев, оператор Г.Сержановалар марапатталды. Сондай-ақ, электрмонтерлер А.Те­мір­беков, Н.Әбішов, А.Дұрысбеков, Қ.Абытов, Ш.Уә­лиханұлы мен газбен дәнекерлеуші Ж.Қараев аудан басшысының «Алғыс хатына» ие болды.

Марапаттау салтанатында Тереңөзек АЭТ-нің басшысы Нұрлыбек Кәкім кәсіби мерекеге орай құрмет көрсеткен аудан әкімдігіне алғысын айтып, сала қызметкерлері ауданды электр энергия­сымен үздіксіз қамтамасыз ету үшін жұмыс жасай беретінін жеткізді.

А.ҚҰРМАНАЙТЕГІ