«Омикрон» штамы: Жаңа шектеулер енгізілді

Екінші жылға созылған пандемия тағы бір қауіпті кеселге ұласты. Коро­на­вирустың жаңа штамы деп атау алған «омикрон» көптеген мутацияға ұшы­­­рауымен қауіпті. Яғни, 32 му­та­цияны біріктіргендіктен оған қарсы тұ­руға вакцина да қау­­қарсыз дейді вирусологтар.

«Омикрон» туралы алғаш айтқан Оң­түстік Африка Республикасының дәрігері Анжелик Кутзее науқас жаңа штамды жұқтырғанда коронавирустың белгілерінен өзгеше және жеңіл болып көрінетінін атап өткен. Яғни, дәм мен иіс сезуді жоғалтпай қатты шаршау, жүректің қатты соғуы мен жоғары температура байқалады екен. Дә­рігерлердің ескертуі бойынша көбіне вакцина салдырмағандар мен егде тартқан қарт кісілерде аталған ауруды өткізу оңайға соқпайды. Жалпы, соңғы кезде жастардың арасында жылдам тарап жатқан «омикрон» «дельта» штамынан да қауіпті.

Сонымен қатар, Дүниежүзілік ден­сау­лық сақтау ұйымының мәлім­де­месінде коронавируспен ауырған адам­дар арасында «омикронды» жұқ­­­тыру деңгейі жоғары. Алайда, бір қуанарлығы, қазіргі уақытта қол­да­нылатын ПТР тест жаңа штамды анық­­тауға қауқарлы.

Осы күні Еуропаның бірнеше ел­дерінде анықталған «омикрон» салдары қайтадан шектеулер жариялауға мәжбүрлеген. Жалпы, адамзатқа қауіп әкелетін, аса жұқпалы инфекция туралы нақты мәлімет жоқ. Тек оның өте жылдам тарайтыны айтылады. Яғни, ви­рустың бастауы болған Африкада эпи­демиологиялық зерттеу аяқтал­майын­ша нақты бір шешім айту қиынға соғады.

«Омикрон» штамының таралуына жол­­­­ бермеу мақсатында елімізде 3 жел­тоқ­­­­­­саннан бастап жаңа шектеулер кү­шіне енді. Бұл жайында Үкімет оты­рысын­да ҚР Денсаулық сақтау вице-министрі М.Шо­ранов хабарлаған болатын. Вице-министрдің мәліметіне сәйкес, Қазақстан­да эпидемиологиялық жағдай тұрақты. «ДДҰ бұл нұсқаны алаңдаушылық деп атады. Алдын ала мәліметтер бойынша, ко­ронавирустық инфекцияның бас­қа түр­лерімен салыстырғанда, «Омик­рон» нұсқасы «Дельта» штаммына қараған­да жұқпалы, негізінен 20-30 жас аралы­ғын­дағы адамдарға әсер етеді, сонымен қатар, КВИ қайта жұқтыру қаупі де байқалады», – деді вице-министр.

Осыған байланысты ведомоство­аралық комиссияның шешімімен республика ау­мағына жаңа штаммның әкелінуіне және таралуына жол бермеу үшін бірқатар шектеулер енгізілуде.

Шектеулерге сәйкес, Ботсвана, ОАР, Ле­сото, Намибия, Зимбабве, Мозамбик, Мадагаскар, Эсватини, Танзания, Малави және Гонконгтан шетел азаматтарының Қазақстанға кі­руі ұйымдастырылады. Египетпен әуе қатынасы жоғары жолаушылар ағыны мен Египеттен келген азаматшадан Бельгияда «Омикрон» нұсқасы анық­талған жағдайға байланысты тоқтатылады.

Сондай-ақ, «Омикрон» корона­вирустық инфекция штамы нұсқасы­нан туындаған КВИ жағдайлары анық­талған елдерден ке­летін адамдар үшін: Израиль, Чехия, Нидерланды, Бельгия, Ұлыбритания, Италия, Германия, Австралия, Канада және Египет вакцинацияға қарамастан және үлгілерді іріктеу уақытынан бастап 72 сағаттан ке­шіктірмей ПТР-тесттен өту міндетті болады.

Бұдан басқа, «Омикрон» тудырған КВИ жағдайлары анықталған елдерден кел^­ген адамдар ПТР-тестінің нәти­жесі­не қа­рамастан 7 күн мерзімге өзін-өзі оқшау­лау­ға (үй карантині) жатады.

Бибісара ТАҢАТАРҚЫЗЫ