Петровавлда жатақханадан өрт шығып, өрт сөндірушілер төрт ересек адам мен бір баланың өмірін құтқарып қалды, деп хабарлайды Baq.kz ақпарат агенттігі newtimes.kz сайтына сілтеме жасап.

Сондай-ақ, 150 адам эвакуацияланды. Қаза болғандар мен зардап шеккендер жоқ. Жатақхананың бесінші қабатындағы бөлмеде өрт шыққан. Қазіргі уақытта өрттің шығу себебі мен қанша шығын келгені анықталуда.

«Газ баллонының жарылу қаупі болған. Оны бірден қауіпсіз аумаққа апарып, жылдам өрт сөндіруге кірістік. Өрттің шарпу аумағы 17 шаршы метр», - дейді №2 мамандандырылған өрт сөндіру қызметі бөлімінің басшысы Сәкен Ағзамов.