Бұл жағдай Хэмелин бұғазында болды. Австралияның оңтүстік-батыс жағалауындағы Хэмелин бұғазының жағасында 130-дан астам гринд дельфиндері өліп жатыр, деп хабарлайды Baq.kz ақпарат агенттігі PerthNow сайтына сілтеме жасап.

150-ге жуық дельфин Австралияның оңтүстік-батыс жағалауындағы Хэмелин бұғазының жағасына шығып қалған. Олар түгел дерлік өліп қалды, қазіргі уақытта көп дегенде 15-і ғана тірі.
Тірі қалған дельфиндер таяз суда жүзіп жүр. Табиғат қорғау қызметі олар су ағынымен тереңірек кетеді деп үміттеніп отыр.
Қазір өлген дельфиндерді жинау жұмыстары жүріп жатыр. Олардың қырылып қалу себебін анықтау үшін сараптама жасалады. Жақын маңдағы жағалаулар жабық. Жергілікті халыққа акулалардың шабуылдауы мүмкін екендігі хабарланды.