Тіршілік тынысы Сырдария аудандық қоғамдық-саяси газет

№ 96 газет

04 желтоқсан 2021 ж.

№ 95 газет

01 желтоқсан 2021 ж.

№ 94 газет

27 қараша 2021 ж.

Жаңалықтар мұрағаты

«    Желтоқсан 2021    »
ДсСсСрБсЖмСбЖс
 12345
6789101112
13141516171819
20212223242526
2728293031 
» » Күзгі егін жинау науқаны оңтайлы мерзімінде атқарылуда

Күзгі егін жинау науқаны оңтайлы мерзімінде атқарылуда

Биыл 188,1 мың гектар жерге ауыл шаруашылығы дақылдары орналастырылды. Күрiштің көлемі 83,6 мың гектарды құрап отыр. Сондай-ақ су тапшылығына байланысты, сыр маржанының көлемі өткен жылмен салыстырғанда 5,9 мың гектарға дейін азайтылып, орнына суды аз қажет ететін картоп, көкөніс, бақша дақылдары егіліпді. Олардың көлемі өткен жылмен салыстырғанда 9,8 мың гектарға дейін артқан. Бұл туралы Өңірлік коммуникациялар қызметінде өткен баспасөз конференциясында облыстық ауыл шаруашылығы басқармасының басшысы Талғат Дүйсебаев мәлімдеді.

“Күзгі егін жинау науқаны оңтайлы мерзімінде атқарылуда. Қазіргі таңда, облыста күріштен басқа дәндік дақылдарды (күздік бидай, жаздық бидай, арпа, сұлы, дән жүгері) және майлы дақылдардан мақсары мен сояны, картоп, көкөніс, бақша, дақылдарын жинау жұмыстары толығымен аяқталды. Бұл саланы қолдауға осы жылы барлығы 4,1 млрд. теңге мемлекеттен қаржы бөлінді. 40,3 мың гектар жерге егілген жоңышқадан 228,4 мың тонна ескі жоңышқа, 17,8 мың тонна жаңа жоңышқа өнім жиналынды. Сүрлемдік жүгеріден 7,1 мың тонна өнім алынса, мал азықтық асқабақ толық жиналып 1,5 мың тонна өнім алынды. Сүрлем дайындау жұмыстары әлі де жалғасуда”,- деді Талғат Тұрсынұлы.

Аймақта күрішке орақ салу жұмыстары 26 тамыздан басталды. Бүгінгі күні күріштің 78103 гектарына (93,5%), орақ салынып, оның 70344 гектары (90,1%) бастырылды. Әр гектарынан орташа 55,8 центнерден өнім алынуда. Күзгі егін жинау науқанын 10 қазаннан кешіктірмей аяқтау жоспарлануда.

07 қазан 2021 ж. 87 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам