Тіршілік тынысы Сырдария аудандық қоғамдық-саяси газет
» » "Қызылорда-Жалағаш" автожолы жөнделуде

"Қызылорда-Жалағаш" автожолы жөнделуде

Облыстық мәслихат депутаты Расул Есенов әлеуметтік желідегі жеке парақшасында об­лыс­тық маңызы бар «Қы­зылорда-Жалағаш» автожолына жүргізіліп жатқан жөндеу жұмыстары жөнінде ақпарат­тар жариялады. Депутат «Қызылорда-Жалағаш» автожо­лының жөндеуді қажет ететіні түрлі кездесулерде және әлеуметтік желілерде кеңінен талқыланғанын айтып, бұл мәселе облыс әкімінің облыстық мәслихат депутаттарымен өткен басқосуында да көтеріліп, аймақ басшысына тұрғындардың талап-тілегі жеткізілгенін атап өткен.
«Ең алдымен, депутаттық ұсы­нысымызға сәйкес, облыстық маңызы бар «Қызылорда-Жалағаш» автожолын орташа жөндеуге тиісті басқармаға жоба-сметалық құжаттама дайындап, бюджеттік өтінім ұсыну жөнінде тапсырма берген облыс әкімі Гүлшара Әбді­қалықоваға ерекше алғыс айтамын. Аймақ басшысының бұл жұмысты тікелей бақылауына алуы, соның не­гізінде маңызды жолдың жөнделуі ішкі жолдар арқылы облыс орталығына қатынайтын Қармақшы, Жалағаш және Сырдария аудандарының тұрғындары үшін қуанышты хабар болды. Сон­дықтан үш ауданның тұрғындары атынан ризашылығымызды білдірсек ар­тық емес» деген Расул Әбутәліпұлы жол жөндеу жұмыстары аяқталамын дегенше партиялық бақылау жұмыстары жүр­гізілетінін атап өткен.
«Облыстық маңыз­дағы «Қызылорда – Жалағаш» авто­жолының жалпы ұзындығы 90 шақы­рымды құрай­ды. Қазіргі таңда жолдың белгілен­ген учаскелерінде орташа жөн­деу жұ­мыс­тары жүргізілуде. Жол жөндеу жұ­мыстарын жүргізіп жатқан мердігер мекеме өкілдерімен кездесіп, атқа­рылып жатқан жұмыстарды көз­бен көрдім. Мердігер мекеме «УАД» ЖШС-нің учаске басшысы Ерлан Махамбетов бізге жолды фрезалау, битумдау, асфальт жаю және жол жиектерін тегістеп, кеңейту жұмыстары жүргізіліп жатқанын айтып, жоспарлы жұмыстардың барысын таныс­тырды. Учаске басшысы 25 техника және 35 жұмысшы тартылғанын, жоба өтпелі болғандықтан 2021 жы­лы 12 шақырым жолды орташа жөн­деу қарастырылғанын айтты. Яғни, аталған жолды жөндеу жұмыстары ке­лесі жылы тағы да жалғасатын болады. Сөйтіп, жолдың осал тұстары толық жөнделеді. Ең маңыздысы, жоба сметалық құжаттарға сәйкес сапалы және уақытылы аяқталуы қажет. Мұны біз тұрақты түрде бақылайтын боламыз» деген облыстық мәслихат депутаты өз жазбасында.
Атап өту қажет, өткен аптада ау­дандық партия филиалы жанындағы Пар­тиялық бақылау комиссиясының мү­шелері облыстық маңыздағы «Қы­зыл­орда – Жалағаш» автожолының 0-30 шақырымына жүргізіліп жатқан орташа жөндеу жұмыстарымен таныс­ты.

Ақтөре ИБРАГИМҰЛЫ
31 тамыз 2021 ж. 106 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам