Жалған ақпарат таратылуда
Қазақстандықтар WhatsApp-та 7-8 тамызда вирус шашатындықтан далаға шықпауға шақыратын хабарлама таратуда. Бұл – жалған ақпарат.Хабарлама авторы аурухана қызметкерлерінің айтқанына сүйенеді. Олар стационарларда ауру жұқтырған науқастардың жаппай түсуіне әзірленіп, оттегі баллондарын дайындап жатыр екен.
"10-11 тамызда адамдар ауруханаларға көптеп түседі, терезелерді жауып, шыдаңыздар. Таныстарыңызға айтыңыздар. Барлығы жоспарланған. Әлсіздер өліп кетеді" делінген мәтінде.
“Бұл – фейк. Бұл ақпарат шындыққа жанаспайды”, – деп хабарлады ведомстводан. Сондай-ақ мекемедегілер Қазақстанда жалған ақпарат тарату заңмен жазаланатынын еске салды.
