Ауыл әкімдері сайлауына 4,7 миллиард теңге бөлінеді

Ауыл әкімдері сайлауын өткізуге республикалық бюджеттен 4,7 миллиард теңге бөлінеді.

Бұл туралы Орталық сайлау комиссиясының хатшысы Сабила Мұстафина айтты, деп хабарлайды aikyn.kz.

«Биыл 24 мамырда Президент «2021-2023 жылдарға арналған республикалық бюджет туралы» заңға қол қойды. Онда аудан, қала, ауыл, ауылдық округ,  кенттерінің әкімдерін тікелей сайлауды ұйымдастыруға және өткізуге қаражат қарастырылған. ОСК туралы заңда әкімдердің кезектен тыс сайлауы өткізілуін ескере отырып, биыл әкім сайлауына 4,7 млрд теңге жұмсайды, – деді Мұстафина.