Дауды шешудің ең қолайлы тәсілі - медиация

Медиация - бұл дауласушы тараптардың дау-жанжалды екі жаққа да тиімді жолмен бітімгершілік келісім арқылы шешуі.

Сырдария аудандық сотымен азаматтар арасында медиацияның тиімділігін кеңінен насихаттау мақсатында түсіндірме жұмыстары тұрақты түрде жүргізіліп келеді.

Сот отырысын өткізу барысында тараптарға дауды медиация тәртібімен реттеу құқығы жан-жақты түсіндіріледі.

Сырдария аудандық сотында Қазақстан Республикасының ӘҚБтК-нің 73-бабының 1-бөлігімен азамат А-қа қатысты әкімшілік іс қаралды.

Азамат А. өзінің некедегі зайыбын балағаттап,ар-намысына тиетін сөздер айтып, сыйламаушылық білдіріп, әкімшілік құқық бұзушылық жасаған.

Жәбірленуші құқық бұзушыға кешірім бергенін айтып, өзара медиация тәртібінде татуласуларына байланысты әкімшілік істі тоқтатуды сұрады.

Сот қаулысымен Қазақстан Республикасының ӘҚБтК-нің 73-бабының 1-бөлігі бойынша азамат А.-қа қатысты әкімшілік құқық бұзушылық туралы іс тараптардың медиация тәртібінде татуласуына байланысты тоқтатылды.

Сырдария аудандық сотының баспасөз қызметі