Сырдария ауданы "Жасыл аймақта"

Коронавирус инфекциясының эпидемиологиялық ахуалын бағалау матрицасында облыс 2021 жылғы 17 мамырдан бастап “жасыл” аймаққа ауысты.

Әлеуметтік-экономикалық нысандардың жұмыс кестесі облыстың Бас мемлекеттік санитариялық дәрігерінің 15.05.2021жылғы №14 Қаулысына сәйкес жүзеге асырылады.

Сонымен қатар “Ashyq” жобасына қатысатын кәсіпкерлік нысандары ҚР БМСД-нің қолданыстағы №18 Қаулысында көрсетілген өлшемшарттар бойынша қызмет көрсетуді жалғастырады.

Соңғы аптадағы көрсеткіштер есепке алына отырып, матрицадағы деңгей өзгеріп отырады. Кез келген уақытта “сары” немесе “қызыл” аймаққа ауысу қаупі бар. Сондықтан сақтық шаралары әлі де өзекті.

Қарапайым әрі қосымша қаражатты талап етпейтін қауіпсіздік шараларын жауапкершілікпен орындауды сұраймыз. Ережеге енжарлық таныту - эпидахуалды қайта өршітіп жіберуі әбден мүмкін екенін естен шығармаңыз.