Тіршілік тынысы Tirshilik-tynysy.kz ақпараттық агенттігі

№1 газет

07 қаңтар 2025 ж.

№103 газет

31 желтоқсан 2024 ж.

№102 газет

28 желтоқсан 2024 ж.

Жаңалықтар мұрағаты

«    Қаңтар 2025    »
ДсСсСрБсЖмСбЖс
 12345
6789101112
13141516171819
20212223242526
2728293031 
» » 2000 жылғы түлектер мұқтаж сыныптасына үй салып берді

2000 жылғы түлектер мұқтаж сыныптасына үй салып берді

Түркістан облысында мектеп түлектері ақша жинап, мұқтаж отбасына үй салып берді.

«Бекзат» мөлтек ауданында мектепті 2000 жылы бітірген түлектер сыныптасына баспана салып берді. 4 бөлмелі жаңа үй Жарқынбек Сабыровтың өзі тұрып жатқан шаңырағының ауласынан тұрғызылған. Қоныс тойын тойлаған азамат - 4 перзенттің әкесі. Ата-анасымен бірге тұрады. Денсаулығына байланысты жұмысқа жарамсыз. Қаржы тапшылығы қолбайлау болып, біраздан бері тозығы жеткен үйді паналауға мәжбүр болған. «Құрдасымыздың үйі ескірген. Білуімізше, өзінің күрделі жөндеу жүргізуге мүмкіндігі жоқ. Сондықтан 1983 жылы туған азаматтар өзіміз ақылдаса келе көмек қолын созуды жөн көрдік. Құрылыс жұмыстары бір жылға созылды. Алла сәтін салып, барлығы жаспарлағанымыздай жүзеге асырылды»,-дейді ұйымдастырушылардың бірі Ізбасар Есекеев.

Үй иесінің қайырымдылық жасаған құрдастарына айтар алғысы шексіз. Оның сөзінше, қатарластарынан мұндай қадам күтпеген. Аула қоршауының жаңартылғанына да дән риза. Айта кетейік, мұндай игі іске 1982 жылы туған азаматтар бастамашы болған. Нақтырақ айтқанда, 2019 жылы тұрмысы төмен сыныптастарына үй салып берген. Ізгі амалды жалғаған 20 жылдық түлектері келесі жылы қайырымдылық акциясын 1984 жылы туған азаматтарға жолдады.

16 мамыр 2021 ж. 304 0