Мониторингтік топ жұмысы жалғасуда

Сырдария ауданы бойынша бүгінгі күнге коронавирус инфекциясымен нақтыланған - 210 жағдайы есепке алынып отыр. Эпидемиологиялық ахуал күрделі.

Осыған байланысты, Сырдария ауданы әкімінің 2021 жылғы 2 сәуір күнгі «Мониторингтік жұмыс тобын құру туралы» №61-Ө өкіміне сәйкес аудан аумағында мониторингілеу мақсатында құрылған ІІ топ мүшелері мониторинг жұмыстарын тұрақты күнделікті жалғастырып келеді.

Мониторинг топ мүшелері Тереңөзек кентінде орналасқан "Жалғас", "Ермек", "Нұрболат", "Нұртөре", "Арай" "Қасым-Жомарт", "Жандос" дүкендерін аралап, індеттің алдын алуға байланысты бетперде, медициналық қолғап, антисептик болуы міндеттелгендігі және адам денсаулығы бірінші орында екендігін ескертіп, аудан бойынша эпидемиологиялық ахуалдың күрделенуін ескере отырып, карантин талаптарын қатаң сақтап, сақтық шараларын ұстануға шақырды!